Sri Lalitha Ashtottara Shatanama Stotram 2 – śrī lalitāṣṭōttaraśatanāma stōtram
śivā bhavānī kalyāṇī gaurī kālī śivapriyā |
kātyāyanī mahādēvī durgā:’:’ryā caṇḍikā bhavā || 1 ||
candracūḍā candramukhī candramaṇḍalavāsinī |
candrahāsakarā candrahāsinī candrakōṭibhā || 2 ||
cidrūpā citkalā nityā nirmalā niṣkalā kalā |
bhavyā bhavapriyā bhavyarūpiṇī kalabhāṣiṇī || 3 ||
kavipriyā kāmakalā kāmadā kāmarūpiṇī |
kāruṇyasāgarā kālī saṁsārārṇavatārakā || 4 ||
dūrvābhā duṣṭabhayadā durjayā duritāpahā |
lalitā rājyadā siddhā siddhēśī siddhidāyinī || 5 ||
śarmadā śāntiravyaktā śaṅkhakuṇḍalamaṇḍitā |
śāradā śāṅkarī sādhvī śyāmalā kōmalākr̥tiḥ || 6 ||
puṣpiṇī puṣpabāṇāmbā kamalā kamalāsanā |
pañcabāṇastutā pañcavarṇarūpā sarasvatī || 7 ||
pañcamī paramā lakṣmīḥ pāvanī pāpahāriṇī |
sarvajñā vr̥ṣabhārūḍhā sarvalōkavaśaṅkarī || 8 ||
sarvasvatantrā sarvēśī sarvamaṅgalakāriṇī |
niravadyā nīradābhā nirmalā niścayātmikā || 9 ||
nirmadā niyatācārā niṣkāmā nigamālayā |
anādibōdhā brahmāṇī kaumārī gururūpiṇī || 10 ||
vaiṣṇavī samayācārā kaulinī kuladēvatā |
sāmagānapriyā sarvavēdarūpā sarasvatī || 11 ||
antaryāgapriyā:’:’nandā bahiryāgaparārcitā |
vīṇāgānarasānandā cārdhōnmīlitalōcanā || 12 ||
divyacandanadigdhāṅgī sarvasāmrājyarūpiṇī |
taraṅgīkr̥tasvāpāṅgavīkṣārakṣitasajjanā || 13 ||
sudhāpānasamudvēlahēlāmōhitadhūrjaṭiḥ |
mataṅgamunisampūjyā mataṅgakulabhūṣaṇā || 14 ||
makuṭāṅgadamañjīramēkhalādāmabhūṣitā |
ūrmikākiṅkiṇīratnakaṅkaṇādipariṣkr̥tā || 15 ||
mallikāmālatīkundamandārāñcitamastakā |
tāmbūlakavalōdañcatkapōlatalaśōbhinī || 16 ||
trimūrtirūpā trailōkyasumōhanatanuprabhā |
śrīmaccakrādhinagarīsāmrājyaśrīsvarūpiṇī || 17 ||
idaṁ nāmnāṁ sāṣṭaśataṁ lalitāyāḥ matipradam |
vidyādhanayaśaḥ kāmapūrtidaṁ sarvamaṅgalam || 18 ||
iti śrīlalitāṣṭōttaraśatanāmastōtram |
